चिंबळी फाटा येथील श्री समर्थ स्कूल अँड कॉलेजमध्ये ‘नवदुर्गा पुरस्कार’ वितरण सोहळा उत्साहात संपन्न!
चिंबळी फाटा :
येथील श्री समर्थ स्कूल अँड कॉलेजमध्ये नवरात्रोत्सवाचे औचित्य साधून समाजात विविध क्षेत्रांत उल्लेखनीय कामगिरी करणाऱ्या कर्तृत्ववान रणरागिणींना ‘नवदुर्गा पुरस्कार २०२६’ देऊन अत्यंत उत्साहात व दिमाखात गौरवण्यात आले. हा सोहळा दिनांक १६ ऑक्टोबर २०२६ रोजी संपन्न झाला.
संस्थेचे संस्थापक अध्यक्ष माननीय श्री. शिवाजीराव बबनराव गवारे सर आणि संस्थेच्या सचिव माननीय सौ. विद्याताई शिवाजीराव गवारे मॅडम यांच्या प्रेरणादायी मार्गदर्शनाखाली आणि प्रमुख उपस्थितीत हा सोहळा पार पडला. स्त्री शक्तीचा जागर करणे आणि स्त्रीच्या कर्तृत्वाचे महत्त्व समाजाला पटवून देणे, हा या कार्यक्रमाचा मुख्य उद्देश होता.
या कर्तृत्ववान महिलांचा झाला गौरव:
आपल्या जिद्दीने समाजात सकारात्मक बदल घडवणाऱ्या खालील नऊ रणरागिणींना यंदाचा प्रतिष्ठित ‘नवदुर्गा पुरस्कार’ प्रदान करण्यात आला:
• कुमारी प्रतीक्षा सोनवणे
• अश्विनी चिवटे
• पूनम पटेल
• धनश्री रत्नाकर
• वैशाली गव्हाळे
• कामिनी खरात
• अश्विनी पवार
• सुरेखा खामकर
• उज्वला खिलारी
या सर्व मानकरिण्यांचा सन्मानचिन्ह, मानाची पैठणी, शॉल आणि श्रीफळ देऊन मान्यवरांच्या शुभहस्ते गौरव करण्यात आला. हा पुरस्कार केवळ एक सन्मान नसून महिलांच्या अविरत कष्टांचा, संघर्षाचा आणि योगदानाचा गौरव सोहळा ठरला.
मान्यवरांचे मनोगत:
याप्रसंगी बोलताना संस्थेचे अध्यक्ष व सचिव यांनी सांगितले की, “हा सन्मान समाजातील इतर महिलांनाही नवी उमेद आणि प्रेरणा देईल. समाजाच्या प्रगतीत महिलांचा वाटा अत्यंत महत्त्वाचा आहे.”
या कार्यक्रमाला कॉलेजच्या प्राचार्या सौ. अनिता टिळेकर मॅडम आणि प्रायमरी स्कूलच्या प्राचार्या माननीय विद्या सावंत मॅडम तसेच सर्व H.O.D मेंबर प्रामुख्याने उपस्थित होते. विद्यालयातील शिक्षक, शिक्षकेतर कर्मचारी, विद्यार्थी आणि पालक मोठ्या संख्येने उपस्थित होते. कार्यक्रमाचे नियोजन उत्कृष्ट पद्धतीने करण्यात आले होते. सध्या सर्व स्तरातून या पुरस्कार विजेत्या महिलांचे आणि संस्थेचे भरभरून कौतुक होत आहे.
